အဲဒါကဗျာဆရာ

ပန်းကလေးတစ်ပွင့်

တစ်ခြားဘယ်လိုပန်းမျိုးကမှ

တုနှိုင်းမမှီ ခမ်းနားမြင့်မြတ်လွန်းနေတယ်ဆိုရင်

အဲဒါ ကဗျာဆရာ ၀င်စားတဲ့ ပန်း ......။



အဲဒီပန်းဟာ တစ်ခမ်းတစ်နားနဲ့

ကဗျာဆရာ အနားမှာ

ထာဝရ ခစားနေလေရဲ့ ....။



သစ်သီးလေးတစ်လုံး

တစ်ခြားဘယ်လိုသစ်သီးမျိုးကမှ

တုနှိုင်းမမှီခမ်းနားမြင့်မြတ်လွန်းနေတယ်ဆိုရင်

အဲဒါ ကဗျာဆရာ ၀င်စားတဲ့ သစ်သီး ....။



အဲဒီသစ်သီးဟာ ထီးထီးမားမားကြီး

ကဗျာဆရာရဲ့အနီးမှာ

အားကြီးနေလေရဲ့ .....။



လွယ်အိတ်လေးတစ်လုံး

တစ်ခြားဘယ်လိုလွယ်အိတ်မျိုးကမှ

တုနှိုင်းမမှီခမ်းနားမြင့်မြတ်လွန်းနေတယ်ဆိုရင်

အဲဒါ ကဗျာဆရာ ၀င်စားတဲ့ လွယ်အိတ် ......။



အဲဒီလွယ်အိတ်ဟာ ကဗျာဆရာရဲ့စိတ်

အဲဒီအိတ်ထဲမှာ ခံစားချက်တွေကလည်း

အိတ်သွန်ဖာမှောက် .....။



ရာဟုမလေးတစ်ယောက်

တစ်ခြားဘယ်လိုမိန်းကလေးမျိုးကမှ

တုနှိုင်းမမှီခမ်းနားမြင့်မြတ်လွန်းနေတယ်ဆိုရင်

အဲဒါ ကဗျာဆရာ ရဲ့ ချစ်သူ ......။



အဲဒီ မိန်းကလေးဟာ

သူ့ဘေးမှာ မရှိခဲ့ရင်တောင်

နှလုံးသားပိုင်စား သခင်မတစ်ပါးပါပဲ .....။



အိမ်မက်လေးတစ်ခု

တစ်ခြားဘယ်လိုအိမ်မက်မျိုးကမှ

တုနှိုင်းမမှီအလွမ်းငွေ့ ရည်ဖွဲ့ခဲ့တယ်ဆိုရင်

အဲဒါ ကဗျာဆရာ ၀င်စားတဲ့ အိပ်မက် .....။



အဲဒီအိပ်မက်ဟာ

ကဗျာဆရာရဲ့ ၀င်သက်ထွက်သက် မဆိတ်သုဉ်းသ၍

ကြယ်ကိုးစင်းနဲ့အပြိုင်လင်းတဲ့ ကောင်းကင် ......။



သေးငယ်တဲ့လှိုင်းအမှုန်လေးကအစ

ကြီးမားတဲ့ဒြပ်ထုအဆုံး

တခမ်းတနားတုနှိုင်းမမှီဖွဲ့နွဲ့နိုင်တာ

အဲဒါ ကဗျာဆရာ ...။


ကျွန်တော့်ဆရာတွေကို ဂုဏ်ပြုသည်

သီဟညိမ်း

( ဖြိုးငယ် ကူညီရေးစပ်သည် ။ )

(၁၄.၄.၂၀၀၉)