ငါတို့ဆီမှာ ခေါင်းတစ်လုံးစီ ထပ်ထွက်တဲ့နေ့

ဤကဗျာဖြင့် အမှတ်စဉ် ( ၄၇ )မှ အရာရှိများအား ဂုဏ်ပြုပါသည် ။ ။ ။
အမြီးရှည်ခေါင်းထွက်ဖို့
လောကဓါတ် ၀န်းကျင်မှာ
ပုထုဇဉ် လူသားတို့
မရပ်မနား အားထုတ်ကြရင်း
သူငယ်ချင်းတို့ရေ …
ဒီနေ့ ငါတို့ဆီမှာ ခေါင်းတစ်လုံးစီ ထပ်ထွက်ကြပြီ …

မပျက်တမ်း အသုံးချနေရတဲ့ ဦးနှောက်
တစ်တောက်တောက် ကျခဲ့ရတဲ့ ချွေးတွေ
အဝေးမှာ နေရတဲ့ ဒုက္ခ
ရင်းနှီးမှု အနန္တ
ပေးဆပ်မှုတွေနဲ့မှ
ရရှိလာတဲ့ အကျိုးဆက်
ငါတို့တွေ တန်ဖိုးထားတက်ရမယ် ….

ဒီဇင်ဘာရဲ့ ၁၇ ရက်
ငါတို့ရဲ့ ရင်ဘတ်ထဲမှာ အမှတ်တရ
အချိန်ကာလတစ်ခုကို နောက်ပြန်တွေး
လွန်ခဲ့တဲ့ လေးနှစ်တုန်းကလည်း
ငါတို့ရဲ့ အသွေးအသားထဲမှာ
သမိုင်းတွေ စ ရေးပေးခဲ့သေးတယ် ….

အပြောလွယ်သလောက် အနေခက်တဲ့
လောကရဲ့ တိုက်ချက် တိုက်ကွက်တွေကြား
အနေအစား တက်အောင် လှုပ်ရှား
မှားသွားတာတွေ ရှိသလို
မှန်ထားတာတွေလည်း ရှိတယ်
ငါတို့ အသိတရား ထဲမှာ
ထာဝရ သိထားရမှာက
ပုခုံးပေါ်က ၀န်
ကျေပွန်အောင် ပြင်ဆင်ဖို့ပဲ …

ငါတို့အမြင်ထဲမှာ
၄၇ ရဲ့ဂုဏ်အင်တွေ တစ်ပုံတစ်ပင်
အကုန်အစင် ပြောရရင်
ပုံပြင်မဟုတ်တဲ့ အတိတ်သမိုင်းမှာ
တစ်စိတ်တစ်ပိုင်းပဲပြောပြော …
ဟော .. ကြည့်လိုက် …
ငါတို့တွေ ကွန်းခိုခဲ့တဲ့
စစ်တက္ကသိုလ် ကျွန်းညိုကြီးမှာ
စည်းလုံးမှုတွေ ပိုခဲ့ကြတယ် ……

အနာဂါတ်လမ်း ချိုစေဖို့
တို့ညီအကိုတွေ ပေါင်းစုစွမ်းနဲ့
နိုင်ငံတစ်ဝမ်း အေးချမ်းစေမယ်
၄၇ ရဲ့ပန်းတွေ လှိုင်လှိုင်ပွင့်လို့
နိုင်ငံတင့် ငြိမ်းချမ်းဖို့
မသွေတမ်းပေါ့
သူငယ်ချင်းတို့ရေ ….
ငါတို့ ကမ်းလက်တွေ
ထာဝရ လှမ်းဆက်ထားကြပါစို့ …..

ဖြိုးငယ်