တိုးတိုးလေးသေသွားတဲ့ မှော်ပုံပြင်

မှော်ဆရာရဲ့ ပြဇာတ်တစ်ပုဒ်
နှင်းတွေသည်းသည်းလှုပ် မကျတဲ့ ရာသီမှာ
မျက်စောင်းကညာနဲ့ အသက်ပြောင်းသွင်းခံရတယ်
အဲဒီတုန်းက သူမအပြုံး
ငါ့အတွက် ပုလဲတစ်လုံးထက် အဖိုးတန်တယ် ....
မိုနာလီဇာရေ .....
မင်းခဏတော့ ဒုတိယ နေလိုက်ပါ ....


အဲဒီအချိန်မှာ ငါက သစ်တစ်ပင် ဆို
လိုနေတဲ့ ကာဗွန်ဒိုင်အောက်ဆိုဒ်
သူမ ရင်ခုန်သံနဲ့ တိုက်ရိုက် အချိုးကျတယ်
မရိုးမရွ မာနလေးတွေကို ဖယ်ခွာ
မိုးည တစ်ရံတစ်ခါကလည်း
နှလုံးသားတစ်လျှောက်
အုန်းမောင်းခေါက်ခဲ့ဖူးတယ်
ရင်ခုန်သံတွေ မြန်လို့ပေါ့ .....


တစ်နေ့သ၌
မေ့လိုက်ဖို့သူမကြံတယ်
အမှန်အကန်မဟုတ်တဲ့ ရင်ခုန်သံက
ဒဏ်ရာတွေသာ ကျန်စေတယ်
မင်းထားချင်ထား
ငါက အုန်းလက်နွားမဟုတ်ပေမဲ့
ကွမ်းမစား ဆေးမစား ကောင်ရယ်ပါ .....


ရှောင်ဖယ်ကာ သွားမှတော့
နောင်ဘယ်ခါများ ပြန်လာမယ် မတွေးတော့ဘူး
ကလေးတစ်ယောက်လို ရွှေလင်ပန်းနဲ့ ထမင်းဆီဆမ်း
ရူးရူးကန်းကန်း တမ်းတနေလည်း
လွမ်းရတာပဲ အဖတ်တင်တယ် ...


အဲဒီနောက်ပိုင်း ငါ့ရဲ့ သမိုင်းမှာ
ဖေဖော်ဝါရီဟာ အရိုင်း အစိုင်းပေါ့
ဗယ်လင်တိုင်း ကို ငါမုန်းတယ် ....
မျက်လုံးမပါတဲ့ နှလုံးသားကိုတော့
ရံဖန်ရံခါ သနားမိတယ် ...
ကျိုးသွားမှတော့ ပြန်တပ်ဖို့ မကြိုးစားပါနဲ့ မှော်ဆရာရယ် ...
အဲဒီပုံပြင်မှာ ငါ အသည်းကွဲ သမားပဲ လုပ်ပါရစေ ....


မင်းဝှက်ထားတဲ့ ဖဲတစ်ချက်
ငါ့အတွက် အသုံးမ၀င်တော့ဘူး မှော်ဆရာရေ ...
တိတ်တိတ်လေး သေသွားတဲ့ ဒဏ္ဍာရီအတွက်
အဲဒီရာသီ တစ်ခါ ပြန်ရောက်ရင်
ငါ့ဆီကို သံချောင်းခေါက်ပါ ....


နေ၀င်သွားတဲ့ အင်ပါယာအတွက်
တယောလေး တစ်ပုဒ်ထိုး
တိုးတိုးလေး ပြောပါရစေ ....
( ကောင်မလေးရေ ....)
မင်းအိပ်မက်က နိုးရင်
ငါ့ အသဲကိုသာစား ငါ့ခန္ဓာတော့ ထားခဲ့ပါ .......



မှတ်ချက် ။ ။ ကွမ်းမစား ဆေးမစား = ပါဝင်နေသော်လည်း ဘာမှ အရာမရောက်သောသူ ..... လို့ကျွန်တော်ကတော့ အဓိပ္ပါယ် ဖွင့်ချင်ပါတယ် ... ဆရာတာရာမင်းဝေကတော့ ၀တ္တုတစ်အုပ်မှာ ထမင်းသိုး ဟင်းသိုး လို့ ရေးထားပါတယ် .... ကျွန်တော်တို့ ငယ်ငယ်က ကစားကြတဲ့အခါ ( ဥပမာ )... ထုပ်ဆီးတိုးတမ်း ဆိုပါစို့ ... ကလေးတစ်ယောက်က ဆော့လည်း ဆော့ချင်တယ် ... မဆော့လည်း မဆော့တက်သေးဘူးဆိုရင် .. ကွမ်းမစား ဆေးမစား ဆိုပြီး ပြောပြီး ကစားစေပါတယ် ... သဘောကတော့ အဲဒီလူက ထမင်းရည်ပူစည်း လောင်လည်း မရှုံး သလို ... အဲဒီလူ ပန်းဝင်သွားလည်း မနိုင်ပါဘူး .... အဲ .. နေရာဒေသ ကို လိုက်ပြီး အခေါ်အဝေါ် အမျိုးမျိုးရှိမယ်လို့ ထင်ပါတယ်ခင်ဗျာ .....။



ဖြိုးငယ်